Sistren me overstan yah reasonings fully but me fe ask..is ALL MAN MADE AFTER GODS OWN IMAGE? yes Sis me nah ask dat facetiously, but truly if yah look into a next black man eyes an den tek a white man eyes, is it still eyes? Hands? Foot? really INI skin nah different from a caucasions skin, except in pigment nuh true? an we cyan be high complected an low complected in all races. But de fact remain we are but one race..Human..we nah de rat race (lol..though some mankind act like rat)..we all of de Human Race an God made all a we in His image..He neva seh only one race Him mek in His image, so really de only relevance to sighting Christs color is tonal, it bears no segregation whatsoever in terms of God, only of man, since man defines wha look better, is better, smell better, ect..it nah mek a bit of difference to God since Him mek all a we in Him image. Rainbow God? Black God, White God, Chiney God?? All a we...God..dat me know since it seh so in de bible dat Him mek us dat wheh dere. Me always wonder whan dem dundas hear we gwan bout a black christ, if dem feel Jesus coulda been dundas, no pigment or wha yah call it in proper english, albino? Him coulda been here dat weh too, nuh true? but still Him image is de same.
Me gibe thanks sis an look forward fe reasonin, in de future wit de Sistren!! Me pray yah blessings an Love,
kaya I