Greetings Bredrin, an give thanks fi di topic pon di Bhagavad Gita. I problem wid di Gita is di whole of Hinduism fi some overstandmant of di books.an di whole of Hinduism, is plain an simple embracing of many gods (mi tink seh deh is 30 million or some ting like dat).I am trying to overstan as well, di I reason yuh seem to 'like' di Gita betta den di bible, an how di I is inclined to mek a religion by perhaps accepting some of one, some of a next, or a likkle of dis an a likkle of dat.mi nuh overstan yuh criteria as to wha to follow Iyah..mi nuh know how helpful it will be in yuh spiritual walk wid yuh God, an how in particular it will help di I grow in a relationship wid Jah. Mi know seh YUH ALLREADY OVERSTAN dat di bible teaches deh is only one God, an one 'mediator' between Jah an Man who is di man Jesus, as wha is told to INI in 1 Tim 2:5. an mi know seh YUH have ALLREADY HEAR DI SCRIPTURE 1 Cor 8:5-6, "for even if there are so called gods, whether in Heaven or on earth, yet for us there is only one God the Father of whom are all things, and we for Him, and one Lord Jesus...". Allso if one memba dat di tings of di gentiles sacrafice it was written dat dem really sacrifice to demons an NOT unto Jah (1 Cor 10:20).
Does di I overstan dat in Hinduism, di beleifs dem carry include, aside from numerous gods, avatars, teachers, an gurus, a beleif which seh deh is NO ABSOLUTE GOOD OR EVIL..? Dis is jus one aspeck I woman hab a problem wid, meking di Gita just interesting reading, but not a sacred text, or di truth as far as Jahovia, or di weh to obtain Iternal Life...as a matter of fact bredrin, in order to be 'saved' according to hinduism, yuh human efforts must be repeated an repeated wid repeated reincarnations. Really bredrin whan I woman looked into dis particular world religion, I to I own self, lost interest in di Gita, since its relevance is really more aptly overstood today whan one espouses di religion..Reincarnation, Karma (which nuff people do not overstan how di law of Karma LEADS ONES TO ACCEPT DHARMA which is di LIE which meks it ALLRIGHT TO HAVE A CASTE SYSTEM..an as most ones allready know, a Caste system is a next DOWNPRESSION)..Life in dis world becomes meaningless according to di philosophies of dis religion..every man is allready Jah! Evil man an Good man, di same Jah same weh!! In deh addah sacred books, deh is description of human sacrafice an sexual orgies which rasta nuh participate in, period! an all di while dem revere animals, but people cya be seperated into castes...Mi nuh disraspeck yuh feelings Bredrin, an mi have di raspeck to recognise yuh right to beleif di weh yuh whan, but I woman am hear to reason wid di I if yuh would like..memba allways jus a few scrips when reading dem texts..which Selassie chose over all addah texts..being a defender of di Christian Faith...Isa 8:20, "if they do not speak according to this word, it is because there is no light in them. Allso, "Every word of Jah is pure" according to Proverbs 30:5, an lastly wha Jesus seh Him self, "I am the way the truth and the life, no one comes to the Father EXCEPT through me..an di BEST place to learn all yuh cya about Jesus is through Him Word.
If yuh do decide to spend more time wid di Gita, mi hope yuh will sight di FACT dat all hindu writings encourage Caste, which is a downpression of man, an dat no human being is immune to warring, since INI nature is sinful, an even though standing up fi yuh rights can include war, Jah is quick to forgive NOT requiring yuh to go back an repaeat yuh life again an again until di person get it right..give thanks fi dis topic Iyah..let INI keep reasoning on topics like them..it informs an allows INI opinions, feelings an convictions to surface yuhseeit?
in His Light an Love..Allways
FAIR USE NOTICE:
This site may at times contain copyrighted material the use of which has not always been specifically authorized by the copyright owner. We are making such material available in our efforts to advance understanding of environmental, political, human rights, economic, democracy, scientific, and social justice issues, etc. We believe this constitutes a 'fair use' of any such copyrighted material as provided for in section 107 of the US Copyright Law. If you wish to use copyrighted material from this site for purposes of your own that go beyond 'fair use', you must obtain permission from the copyright owner.
For more information go to: http://www.law.cornell.edu/uscode/17/107.shtml