Greetings ILoved Gman!!
firstly let I seh how is di I, an mi hope seh yuh doing fine, lang time INI nuh reason still...now to answer your qwestion to I, where mi get I information? chek dis: From Yahoo search

Hindu Gods and Goddess, Hinduism Religion, God in Hindu Dharma
Though the total number of Hindu gods and goddesses is estimated to be around 330 million, here we present a list of most commonly and widely worshipped Hindu gods and goddess-kali, Durga, Brahma,... Hindu gods and goddess. Kali : sect name of the goddess ... Below are few other Hindu Gods and Goddesses ...
www.123durgapuja.com/hindugods - 5k - Cached - More
Now, Iyah, mi allso have it in nuff a mi papers an ting, whan mi first went to an Ashram in 1976 or deh bouts, yuh overstan mi been troddin dis earth searching lang time, an by di weh, it is I earthday on di 30th of dis month..mi gwan be 45 years young, : ) by di grace a Jah, an Him lead I woman thru nuff areas an tings to get alla I information still, bless Jah!!
yuh right dat INI mus look pon downpression in all SYSTEMS whether it is religious or governmental or even person to person, wid a crucial eye, yuhseeit? mi allways try fi get nuff information an unearth di truth, BUT mi nuh CONdemn any one pon di earth..not I Hindu Bredrin an Sistren, nor mi Catolic Bredrin an Sistren, nor mi Murdering Bredrin an Sistren, for di battle is di Lords mi seh...it is NOT dat mi wont sight whan ones lie,cheat,kill,hold down,..but mi cyaant condemn since I woman is a sinner, an even I own breddah have commited murder an have blood pon him hand..who am I to condem a religion or a person, who am I but a human being an not Jah!!! But all di while mi nuh sugar coat whan it comes to truth..ILoved, Give thanks fi reasoning an Jah blessings til INI speak once again
Much Raspeck an Love to di I
in His Love an Light
kaya I