GREETS I BREDRIN...
me overstand all de doctrine yah a deal wit, but as me allready state, I woman was born in INI kulcha, one by birth a garveyite, who later trod de same path as ones here, as a Rasta. I muma died clutching a picture of Selassie at her breast, so me jus whan let de I know me allready very familiar wit dat doctrine, but dat doctrine me nah here fe preach. I will reason wit ones bout any ting raspeckful, but whan yah bun Jesus Christ, to I woman its disraspeckful, an me wont reason wit dat..it would be like I woman dissing de name of Selassie, to onnu, which I woman WILL NOT DO..not becus me tink Selassie is diety, but becus me KNOW how me bredrin an sistren feel pon dis board, so it is out of Raspeck..whether de I has raspeck fe I woman or nah..me still show raspeck.
de title of dis post is bring de realness..now me fe seh, ME BRING DE REALNESS IYAH..everytime, me nah counterfit nor worthless in Him sight, so me do Him will, whether ones agree or nah..nextly, de reasonin pon Jesus name is immaterial Iyah..me haf countless information dat me could post dat directly contrasts wha de I seh here being one isample bredrin http://www.altupc.com/articles/thename.htm, but me see dat more importantly ones need fe overstand dat me haf no problem when ones call Jesus Yashuah or Iyesus, Yesus, Yesu, or some adda varient...all a we KNOW WHO IT IS ME A TALK BOUT, NUH TRUE? is de I familiar wit de language of Aramaic? perhaps ones pon de board know de sentance.."Talitha Koumi"..it means "damsel arise"...Jesus said it to de rich mans young dawtah dat had died, an she rose from de dead..it is a semetic language older den de Hebrew many is familiar wit, an its de language Jesus used to communicate..but even if all a we kanvert to de language Jesus use, Aramaic, it still gwan be some varient of de same ting man..so much fe de name game..me whan get deeper into de person of Jesus, discussing Him diety wit de I, an me invite de Bredrin to reason..so both a we cyan bring de REALNESS BY DISCUSSING DE FULLNESS OF INI LORD AN SAVIOUR JESUS
nuff raspeck an blessings to de I
kaya I