Greetings to All pon dis Board
firstly me whan seh dat although me may disagree wit how ones sight up certain tings pertaining to Faith me nah JUDGE NO ONE..ME CHEIF SINNER SEEN..AN IT IS I WOMAN WHO NEED FE CLEAN UP..ME NAH KNOW BOUT ONNO, BUT ME KNOW I WOMAN..
secondly jus becuz me nah agree or me nah sight up tings like ones does not mean we cannot reason..we cyan reason becuz one of we or both of we may not change I views, but learn someting bout a next breddah or sistah views...
thirdly..me sight up a whole leap a bun dis an dat, an bun de Lord Jesus!! dat mek me sad Iyah..very sad, becuz, me nah agree bout Selassie but me NEVA NEVA NEVA NEVA DIS DE MAN BY SEH FIYAH PON HIM..ME COULDA NEVA AS WIKKED AS I WOMAN CYAN BE SINCE ME IS A SINNER, ME NAH SEH BUN SELASSIE, BUT ONES IS DOING SO BOUT I SAVIOUR NAME!!! CHO! ME WAS A RASTA FE 40 YEARS! ME KNOW WHERE DAT COME FROM..AN IT NAH FROM DE FADDA!! DEM DE SAME ONES DERE DAT SPOUT "TOLERANCE" AN "OVERSTANDING OF OTHER RELIGIONS"? AN AT SOME POINTS ME SIGHT UP HOW ONES CHATTING JUS PURE PHART BOUT JESUS..it nah necessary or is some ting telling ones fe do it..same weh whan Him get pierced fe INI transgressions, some ting mek de crowd tun against Him..any weh..instead of more fiyah, how bout more prayer?
fourthly..I woman am glad fe be here, although dere are some no doubt unhappy fe me being here, an I am nah gwan respond to stupidity, but I will respond to genuine qwestions an will engage in reasonin pon any subjeck pon Jah!! Dat me Love so much..yah might, jus might wonder bout I testimony of why after Odessa Philips I real muma had I an raise me up a garveyite til de 70's, an I history from further up, in I grannys time was pocomanian how me end up a follower of Jesus..true like so many Idren, it was I want fe follow selassie dat lead me to Jesus. nuff said for now. me jus hope we cyan reason, nah fuss nor fight, cause bob was right bout dat, if we fuss an fight we giving praises to de devil..
RASPECK, AN HEARTICAL LOVE
kaya I